Startowe parametry Java

Móžeće tutón dialog wužiwać, zo byšće opcionalne startowe parametry za wuwjedźenskočasowu wokolinu Java (JRE) zapodał. Nastajenja, kotrež w tutym dialogu podawaće, za kóždu JRE płaća, kotruž startujeće.

Přistup k tutomu přikazej …

Wubjerće – LibreOffice – Rozšěrjene.


Startowy parameter Java

Zapodajće startowy parameter za JRE, kaž byšće to w přikazowej lince činił. Klikńće na Připokazać, zo byšće lisćinje k dispoziciji stejacych parametrow parameter přidał.

Symbol za Notica

Njewužiwajće maskěrowane znamješka abo pazorki w šćežkowych mjenach.


Zo by na přikład systemowa kajkosć „myprop“ na rjadowak pokazowała, zapodajće slědowacy parameter:

-Dmyprop=C:\Programme\java

Zo byšće pytanje zmylkow w JRE zmóžnił, zapodajće slědowace parametry:

-Xdebug

-Xrunjdwp:transport=dt_socket,server=y,address=8000

Symbol za Notica

Tute změny so po nowym starće LibreOffice wuskutkuja.


Připokazane startowe parametry

Nalistuje připokazane startowe parametry JRE. Zo byšće startowy parameter wotstronił, wubjerće parameter a klikńće potom na Wotstronić.

Přidać

Přidawa lisćinje aktualny startowy parameter JRE.

Wobdźěłać

Wočinja dialog, hdźež so da wubrany startowy parameter JRE wobdźěłać.

Wotstronić

Zhaša wubrany startowy parameter JRE.