Pomoc za LibreOffice 7.5
Definěrujo nastajenja za wašu prezentaciju, mjazy nimi startowu foliju, typ wuměny folijow, typ prezentacije a nastajenja pokazowaka.
Pódawa, kótare folije se ma prezentacija wopśimowaś.
Zapśimujo wšykne folije do wašeje prezentacije.
Zapódajśo numer startoweje folije.
Wuwjeźo swójsku prezentaciju w pórěźe, kótaryž sćo póstajił w Prezentacija – Swójska prezentacija….
Wubjeŕśo prezentaciski typ.
Folija se w połnej wobrazowce pokazujo.
Prezentacija se w programowem woknje LibreOffice wuwjeźo.
Startujo prezentaciju pó postajonej pawzy znowego. Pawzowa folija se mjazy kóńcneju a startoweju foliju pokazujo. Tłocćo tastu Esc, aby prezentaciju zastajił.
Zapódajśo cas pawze, nježli až se prezentacija wóspjetujo. Jolic nul zapódawaśo, se prezentacija zasej ned startujo, bźez togo aby se pawzowa folija pokazała.
Pokazujo logo LibreOffice na pawzowej foliji. Logo njedajo se wuměniś.
Folije se nigdy awtomatiski njewuměnjaju, gaž toś to pólo jo wubrane.
Pokazujo pokazowak myški w běgu prezentacije.
Změnijo pokazowak myški do pisaka, kótaryž móžośo wužywaś, aby w běgu prezentacije na folijach kreslił.
Wšykno, což z pisakom pišośo, se we wašych folijach zjawijo, gaž prezentaciju kóńcyśo. Kakosći pisaka daju se změniś, gaž pśikaz Šyrokosć pisaka abo Barwu pisaka změniś w kontekstowem meniju běžeceje prezentacije wuběraśo.
Pokazujo wšykne framey animěrowanych GIF-datajow w běgu prezentaciju. Jolic toś to nastajenje njejo wubrane, se jano prědny frame animěrowaneje GIF-dataje pokažo.
Pśejźo k pśiducej foliji, gaž na slězynu folije klikaśo.
Wokno LibreOffice w běgu prezentacije w prědku wóstawa. Žeden drugi program njamóžo swójo wokno pśed wašeju prezentaciju pokazaś.
Pó standarźe se primarna wobrazowka za prezentaciski modus wužywa. Jolic se aktualny desktop na někotarych wobrazowkach pokazujo, móžośo wubraś, kótara wobrazowka ma se za prezentaciski modus w połnej wobrazowce wužywaś. Jolic se aktualny desktop jano pó jadnej wobrazowce rozpśestrěwa, abo jolic se funkcija za někotare wobrazowki na aktualnem systemje njepódpěra, njamóžośo drugu wobrazowku wubraś.
Wubjeŕśo wobrazowku, kótaraž se ma za prezentaciju w modusu połneje wobrazowki wužywaś.
Jolic system wužywarjeju zmóžnja, wokno pó wšych wobrazowkach wupinaś, kótrež su k dispoziciji, móžośo „Wšykne wobrazowki“ wubraś. W toś tom paźe se prezentacija pó wšych wobrazowkach rozpśestrěwa, kótarež su k dispoziciji.
Toś to nastajenje se we wužywaŕskej konfiguraciji składujo a nic w dokumenśe.