Pomoc za LibreOffice 7.5
Zo byšće symbolowu lajstu Nastajenja pokazał, wubjerće Napohlad – Symbolowe lajsty – Nastajenja.
Nastaja kliknjenske zadźerženje myški, zo bychu so wjertne přimki po kliknjenju na objekt jewili, a klikńće potom znowa na njón. Ćehńće přimk, zo byšće objekt k požadanemu směrej wjerćał.
Pokazuje abo chowa łójenske linije, zo byšće móhł objekty w swojej foliji wusměrić. Zo byšće łójensku liniju wotstronił, ćehńće ju z folije won.
Podawa, hač so maja wobłuki, rysowanske elementy a wodźenske elementy jenož mjez lěsyčnymi dypkami přesunyć. Zo byšće status łójenskeje lěsycy jenož za aktualnu akciju změnił, ćehńće objekt ze stłóčenej tastu cmd ⌘Strg.
Jeli zmóžnjene, móžeće tekst hnydom po kliknjenju tekstoweho objekta wobdźěłać. Jeli znjemóžnjene, dyrbiće dwójce kliknyć, zo byšće tekst wobdźěłał.
Nastaja kliknjenske zadźerženje myški, tak zo móžeće dwójce na objekt kliknyć, zo byšće tekst přidał abo wobdźěłał.
Jeli tutón symbol je na symbolowej lajsće Nastajenja zaktiwizowany, so objekty ze swojimi atributami pokazuja, ale z transparencu 50 %, mjeztym zo je pohibujeće abo rysujeće. Jeli tutón symbol zaktiwizowany njeje, so jenož kontura pokazuje, mjeztym zo rysujeće, a objekt so ze wšěmi atributami pokazuje, hdyž tastu myški pušćeće.