Pomoc za LibreOffice 7.5
Symbolowa lajsta Rysowanka husto wužiwane wobdźěłanske nastroje wobsahuje. Klikńće na šipk pódla symbola, zo byšće symbolowu lajstu wočinił, kotraž přidatne přikazy wobsahuje.
Móžeće symbolowu lajstu Rysowanka tež w tekstowym abo tabelowym dokumenće wužiwać. Sadźba widźomnych symbolow móže so po dokumentowym typje snadnje rozeznawać.
Zo byšće objekt na aktualnej foliji wubrał, klikńće na nastroj Wubrać (běły šipk) na symbolowej lajsće Rysowanka a klikńće potom na objekt.
Zo byšće wjace hač jedyn objekt wubrał, dźeržće tastu Umsch stłóčenu, mjeztym zo klikaće.
Zo byšće objekt za druhim objektom wubrał, dźeržće tastu ⌥ optionAlt stłóčenu a klikńće potom na objekt. Zo byšće přichodny pod tym ležacy objekt w staplu wubrał, dźeržće tastu ⌥ optionAlt stłóčenu a klikńće potom hišće raz. Zo byšće so k wuběrej do toho wubraneho objekta wróćił, dźeržće tasće Umsch+⌥ optionAlt stłóčenej a klikńće potom.
Zo byšće wubranemu objektej tekst přidał, klikńće dwójce na objekt a zapisajće abo zapodajće swój tekst.
Zo byšće wuběr wotstronił, klikńće něhdźe zwonka wubraneho objekta abo tłóčće Esc.
Rysuje wupjelnjeny praworóžk, hdźež w aktualnym dokumenće ćahaće. Klikńće tam, hdźež chceće róžk praworóžka placěrować a ćehńće na požadanu wulkosć. Zo byšće kwadrat rysował, dźeržće tastu Umsch (⇧) stłóčenu, mjeztym zo ćahaće.
Rysuje wupjelnjenu elipsu tam, hdźež ju w aktualnym dokumenće ćahaće. Klikńće tam, hdźež chceće elipsu rysować a rozćehńće ju do požadaneje wulkosće. Zo byšće kruh rysował, dźeržće tastu Umsch (⇧) stłóčenu, mjeztym zo ćahaće.
Rysuje tekstowe polo, hdźež w aktualnym dokumenće klikaće abo ćahaće. Klikńće něhdźe w dokumenće, a zapodajće abo zasadźće swój tekst.
Wočinja symbolowu lajstu Šipki, zo bychu so linije a šipki zasadźili.
Zmóžnja wam, dypki we wašej rysowance wobdźěłać.
Zmóžnja wam, lěpjate dypki we wašej rysowance wobdźěłać.
Nastroj so wužiwa, zo by objekt wjerćał.
Zmóžnja a znjemóžnja 3D-objekty za wubrane objekty.